कार्तिक महिना हा हिंदू पंचांगा नुसार आणि भारतीय सौर दिनदर्शिके नुसार वर्षातला येणारा आठवा महिना आहे.
कार्तिक महिना हा ग्रेगोरियन कॅलेंडरच्या ऑक्टोबर आणि नोव्हेंबर महिन्यांत येतो.
कार्तिक महिन्यात अनेकदा क्षयमास येतो.
याच्या आधीचा महिना आश्विन आणि नंतरचा मार्गशीर्ष. कार्तिक हा शब्द हिंदी-नेपाळी-संस्कृतमध्ये कार्त्तिक असा लिहितात. या महिन्यामध्ये इतर महिन्यांप्रमाणेच शुक्ल (शुद्ध) आणि कृष्ण (वद्य) नावाचे दोन पक्ष (पंधरवडे) असतात.
भारत सरकार प्रणीत भारतीय राष्ट्रीय पंचांगातील महिन्यांची नावे हिंदू पंचांगाप्रमाणेच असल्याने त्याही पंचांगानुसार कार्तिक हा वर्षातील आठवा महिना असतो. त्या पंचागानुसार हा महिना २३ ऑक्टोबर रोजी सुरू होतो आणि तिसाव्या दिवशी २१ नोव्हेंबर या तारखेला संपतो.
कॅलेंडर मधील महिन्यांचा क्रम आणि नावे | |||
क्रम | महिने | क्रम | महिने |
